DEGUSTACIÓN DE FROITOS DE OUTONO

Este mércores adicámoslle parte da mañán a facer unha degustación de froitos de outono: granadas, castañas, kiwis e feixoas.
Primeiro observamos e recoñecemos as froitas, que forma teñen?, de que cor son?,......
Logo cheirámolas, algunhas teñen un cheiro singular!!.
E como non, cortámolas á metade para ver como eran por dentro, se cambiaban de cor, se tiñan pepitas,....., E por fin a comer!!!
Unhas gustáronnos máis que outras pero sobrar non sobrou nadiña!

"SENTIMOS O OUTONO"

O xoves, despois de realizar a saída polo entorno, decidimos acercarnos en pequenos grupos a "Aula sensorial" coa intención de "Sentir o outono".

• Coas follas recollidas na saída á Alameda, creamos a nosa propia producción artística.
• Bailamos ao son de "Vivaldi".
• A través do tacto, adiviñamos sen ver, obxectos relacionados co outono.

• 

Voltaremos nos vindeiros días para sentir as follas secas baixo os nosos pés e bailar outro anaquiño!!

SAÍDA DO OUTONO (15/11/2016)

Por fin, o martes realizamos a saída do "Outono" para observar, investigar e experimentar con esta estación tan fermosa e chea de cores.
Preparados para a ocasión, tiñamos varias misións:

• Observar o noso entorno: cores, árbores, tamaños, formas,...
• Recoller follas, pauciños, castañas,... que caracterizan ao outono.
• Convertirnos en "Axentes verdes", recollendo toda a basura que encontrasemos no camiño.

Tamén aproveitamos para xogar una anaco no parque que tanto nos gusta!

Cando voltamos á clase, todos xuntos creamos unha nube de palabras relacionadas coa saída. Quedounos así:

DÍA DA CIENCIA EN GALEGO

O pasado día 4 de novembro celebrábase o "día da ciencia en galego".
Decidimos no cole realizar en cada aula un experimento diferente e plasmalo logo en cartolina A3 para ser exposto no corredor.
A clase azul fixo a súa aportación cun experimento sobre a "Capilaridade dos líquidos". Asemade realizamos dous experimentos mais: Un con lacasitos e auga no que se acaba formando un arco da vella moi fermoso, e outro con leite, colorantes e xabón creando un mundo de cores.
Aquí vos deixo como o realizamos en pequenos pasos. O produto final aínda está na aula e todos os días nos fixamos nas cores.

Semana da Tradición oral

Como xa vos comentara, esta semana celebramos no cole a "Tradición oral".
Na clase azul, a avoa de Paulo: "Pilar", agasallóunos coa súa presenza e saber, contándonos xogos, cantigas e experiencias de cando era cativa.
Todos estivemos moi atentos e disfrutamos xogando con ela, entre outros, o "pasemisi", ao tres en raia con botóns, con puzles que facía ela nun intre cunha paxina de revista e unha tesouras, ao pañuelo,......
En fin, MOITAS GRAZAS PILI, aprendemos a xogar coa imaxinación e a creatividade asi como en gran equipo.

Ola familias!!
Do 7 ao 11 de novembro celebraremos a "Semana da Tradición oral" polo que vos animamos a que calquer membro da familia (avós, tíos, papis,...) nos conte na clase azul  como era a súa nenez : os seus xogos, un conto favorito, o seu cole,.... Podedes aportar material como fotos, xoguetes antigos, libros. Asemade podedes enviarnos vía e-mail (galegonumero1@gmail.com) gravacións de audio dalgún familiar, con cantigas, refráns,....

Animádevos!! Esperámosvos na clase azul!!!